asierLI

Arantzazuko Kontzertua HORRELA BIZIZTEKO IV

|
|
ESKERRIK ASKO, atzo Arantzazura etorri zineten guztioi. Laster grabazioa entzungai eta bideoa azpitituluekin. Mila esker Nerea Ganzarain eta Esti Urresola ekoizpenean eginiko lan apartagatik. Aritz Booktegi Eus bideoan grabatzeagatik, Oier Ituarte argiztapenagatik eta Fredi Pelaez audioa grabatzeagatik. Eta, noski, mila esker Grupo vocal KEA Ahots taldea eta Ana Belen García. Eta Arantzazuko zaindari den Juan Ignazio Larreari, egin dugun eta egingo dugun bideagatik. Esker onez puztu-puzturik nago maite eta miresten ditudan hainbat eta hainbat pertsona anitz bertan elkartaratu zinetelako.
|

HORRELA BIZITZEKO IV Crowdfunding. Kontzertu/grabazioa Arantzazun

Horrela Bizitzeko IV ekoizteko crowdfunding kanpaina bat jarri dugu abian. KEA ahots taldeak eta Ana Belen Garcia organo joleak lana osatzen duten abesbatza eta organorako piezak interpretatuko dituzte Arantzazun, eta kontzertua grabatu egingo da. Hemen aurkezpen bideo bat (beste lau ere badaude gune honetan, begiratu aurreragoko post-ak):

https://youtu.be/sZbDZMhZmWg

Kontzertu/grabazioa burutzen lagundu izeaiguzu, adibidez sarrera erosiz, hemen:

https://www.verkami.com/locale/eu/projects/28829-asier-li-ren-horrela-bizitzeko-iv-arantzazun

 

HB IV Crowdfunding. Filosofia eta narratibotasuna.

Pieza honetan Martha C. Nussbaum pentsalariaren nazka eta lotsa proiektatuaren inguruko ideiak trinkotzen saiatu nintzen, narratiboki. Hemen pasarte bat KEA ahots taldea eta Ana Belen Garcia organo jolearekin.

https://youtu.be/FIWEMBTKGO8

Hau eta beste lau konposiziok osaturiko kontzertu/grabazioa burutzen lagundu izeaiguzu, adibidez sarrera erosiz, hemen:

https://www.verkami.com/locale/eu/projects/28829-asier-li-ren-horrela-bizitzeko-iv-arantzazun

HB IV Crowdfunfing. Filosofia feminista eta musika (2)

Egitasmo osoak, baina ale honek bereziki, sexu- eta genero-nortasunaren inguruan egiten du hausnarketa. Horretarako hainbat pentsalari feministen lanak ikertu eta hauen ideiak trinkotu ditut hainbat konposiziotan, bildumak duen narratibotasuna utzi gabe. Hala nola Simone de Beauvoir, Judith Butler, Silvia Federici, Martha C. Nussbaum, Angela Davis, Monique Wittig, eta beste hainbat.

Testu filosofikoak (ustez estetikotasunik gabeak) musikatzean sortzen den esparrua, ildo narratibo orkorra utzi gabe. Hori izan da HORRELA BIZITZEKO IVren erronketako bat. Hemen bigarren adibide bat, KEA ahots taldea bikainarekin, covid aurretik izandako entsegu batean.
HORRELA BIZITZEKO IV kontzertu-grabazioa egin ahal izateko laguntza eman dezakezu, adibidez sarrera erosiz, hemen:

HB IV Crowdfunding. Musika eta pentsamendu feminista

Egitasmo osoak, baina ale honek bereziki, sexu- eta genero-nortasunaren inguruan egiten du hausnarketa. Horretarako hainbat pentsalari feministen lanak ikertu eta hauen ideiak trinkotu ditut hainbat konposiziotan, bildumak duen narratibotasuna utzi gabe. Hala nola Simone de Beauvoir, Judith Butler, Silvia Federici, Martha C. Nussbaum, Angela Davis, Monique Wittig, eta beste hainbat.

Testu filosofikoak (ustez estetikotasunik gabeak) musikatzean sortzen den esparrua, ildo narratibo orkorra utzi gabe. Hori izan da HORRELA BIZITZEKO IVren erronketako bat. Hemen adibide bat, KEA ahots taldea bikainarekin, covid aurretik izandako entsegu batean.
Kontzertu/grabazioa gauzatzen lagundu dezakezu, adibidez sarrerak erosiz, hemen:

 

ORGANO-NARRAZIOAK (Horrela Bizitzeko III)

https://asier-li.bandcamp.com/album/organo-narrazioak-horrela-bizitzeko-iii

Urtetan, “viriditas” delako oinarrizko bizi-indarraren ikerkuntzaren bitartez, malenkonia desegingo omen luketen bortusaiaren propietateak argitzen saiatu den botanikalari bat, seme-alabarik eduki izan nahi ez duen etologo bat eta beste hainbat pertsonaia biodibertsitatea babestu nahi duen lan-talde batean batzen dira, naturan kokaturiko hazi-biltegi isolatu batean.

Horrela Bizitzeko lanaren III ale honek audio-liburu, irrati-antzerki eta “text sound” lanen ildoa jorratzen du. Pertsonaia edo osagai psikikoen narrazioak deklamaturik agertzen zaizkigu, nire ahotsez, atzealdean organorako musika bat dutelarik. Musika hau zazpi minutu inguruko pieza bakar baten pasarte eta aldaera tinbrikoetan oinarritzen da. Beraz, narrazio edo sekuentziek beti hondo musikal ezberdin bera izango dute.

Organoaren aldaera tinbrikoak lantzeko Ana Belén García organo-jolearen laguntza izan nuen. Saio ederrak izan genituen Donostiako Koruko Andre Mariaren basilikako Cavaillé-Coll (1863) organo apartan, beronen zaharberritze lanak hasi baino aste batzuk lehentxeago. Grabaketa 2019ko urtarrilaren 12an burutu genuen, neguko arratsean hasi eta goizeko ordu txikiak arte, iluntasunezko argi nabar baten pean.

Organoaren grabaketa Fredi Pelaezek burutu zuen, mikroak tentuz kokatuz eta, bere bizitzako momentu larri batean egonik ere, niri laguntzeko prest. Mirari bat izan zen bere presentzia; miragarriki elkarturik gaude, gaudenok eta ez daudenak. Eskerrik asko Fredi.

Konposizioa, narrazioen grabaketa eta nahasketa: Asier LI
Organoa: Ana Belén García
Organoaren grabaketa eta masterizazio orokorra: Fredi Pelaez, Pottoko Estudio
Aurkezpen bideoa: Hodei Ezeiza Zaldua: https://www.youtube.com/watch?v=xPLLxOssuec

Azala: Estibaliz Urresola Solaguren

NIHAUR (Horrela Bizitzeko II)

Nihaur HORRELA BIZITZEKO lanaren II alea da.

https://asier-li.bandcamp.com/album/nihaur-horrela-bizitzeko-ii

Ez dago erabateko soinu gabezia bezala ulerturiko isiltasunik, borondatezko soinuaren absentzia bazik (ozenago edo baxuago izan daitekeena).

Absentzia horretan ziztatzen da borondatezko kantua, eta hortxe dager HORRELA BIZITZEKO lanaren autore/subjektua, narraziotik at, sein egiten. Ni.

Subjektuaren eraikuntza da HORRELA BIZITZEKO bildumako gai nagusietako bat, eta abesti hauetan neuk agertu nahi nuen; hausnarketaren objetu eta subjektu aldi berean. Paradoxa bat.

Isiltasuna zartatzen duen subjektuaren ahotsa bereziki nabari da NI GAR eta INON abestietan. Kantu herabe eta biluz horrek oihartzun bat dakar: elkartzen gaituen zaurgarritasuna.

Disko honetako lehenengo lau abestiak ahots eta piano hutserako dira, etxean grabatuak (2018ko udan pianoa eta ahotsa 2019ko udan) eta nahastuak (2019ko uda). Horrela Bizitzeko laneko II alearen soinu bereizgarria damate.

“EZTIA BAILITZ” bosgarren abestiaren pianoa eta ahotsa gainerakoak bezala grabatu ziren, nahasketa ere etxean egin da. Abesbatza eta organoa Tolosako Santa Klara konbentuan grabatu ziren 2019ko ekainaren 16an. Juanan Rosek grabatu zuen saioa. Organoa Ana Belén Garcíak jo zuen eta ahotsak KEA Ahots Taldearenak dira, Enrique Azurzaren gidaritzapean.

“EZTIA BAILITZ” abestia egitasmo orokorrean zehar suertatzen diren mizturen adibide garbia da, bertan ale ezberdinetako kualitate eta osagaiak biltzen bait dira. Kanta mixto hauetatik orobiltzaileena da “EZTIA BAILITZ”.

“Nihaur” Fredi Pelaezek masterizatu du Beasaingo POTTOKO estudioan.